قهوة بلدي
هم المأذون برشف أول رشفة من كوب الشاي المفضل لديه
قبل ان تصل شفتيه للكوب
فوجئ بحسني صبي القهوة يناديه بأن هناك من يريد ان يهاتفه على التلفون
قام الحاج عبد المجيد المأذون و في يده كوب الشاي
لاحظ الواد حسني تغير وجهه
وضع المأذون الكوب على المكتب في عصبية
في إيه يا حاج عبمجيد ؟
صاح في لهفة الواد حسني الحشري
رد عليه عبد المجيد : قال يا أخويا شفت الزمن !!
بعد خدمتي العمر دا كله في الحارة دي
قال ايه عايزين يبعتوني الحجاز اشتغل تشريفاتي للحجاج اللي بيروحوا بيت الله
بعد ما جوزتهم و جوزت عيالهم و عيال عيالهم
يرضيك يا واد يا حسني
جوزت البكرية
و جوزت اللي بنت الحداشر
و جوزت اللي عدتها ماخلصتش
عملت لهم كل اللي عايزينه
كله و الورق سليم
اتغير وش جودة
بص الواد حسني وراه
لقى محمود المليجي داخل عليهم
خد الواد حسني ديل الجلابية في سنانه و جري عالنصبة
قعد المليجي جنب الشيخ
المليجي ما قالوش غير كلمة واحدة
الناس بتقول أن نظرك ضعف و بقيت بتكتب اساميهم غلط في العقود و هتضيع الدنيا
جايين علينا دلوقتي
انت حر بقى لو مش عايز تلحق تسافر دلوقتي
لسه كان هيفلفص
وشه جاب أزرق المرادي
مين جاي؟
دا فريد شوقي
طبعا مش محتاجين نعرف ايه اللي حصل بعد كده
فريد شوقي طبعاً مابيجيش غير و الخير وراه
أمم
أمم يا جدعان جاية ورا وحش الشاشة
عمك الحاج المأذون ركبه سايت الحقيقة
قال له خلاص موافق
بس بلاش ضرب
كفاية الشتيمة
المليجي برق له تبريقة واحدة
هب واقف و قال له استبينا
شاور وحش الشاشة للرجالة
زنجروا بس وقفوا مكانهم
وسعوا الطريق للمأذون يا رجالة
خلاص هو عرف غلطته
كله افتكر الليلة خلصت على كده
و الراجل العجوز هيبعتوه خلاص
قوم ايه بقى
بصوا لقوا زكي رستم جه
فاكرينه طبعاً
أيوه بتاع : فيلم رصيف نمرة 7
و لقوا مين كمان ؟
عبد الفتاح القصري
و اسماعين يس بقى و الشاويش عطية و فايزة احمد كمان
و تصدقوا مين كمان ؟مش هاتصدقوا
و الله ماهتصدقوا
الخواجة بيجو
أبو لمعة
شرفنطح
مرورا باللمبي
و عوكل
و خالتي فرنسا
و علاء صادق الحقيقة برضه جه
و كل الرجالة الحقيقة قاموا بالواجب و زيادة
طبعاً مش محتاج أقول لكم الموضوع خلص ازاي!!
عركة بلدي
تمام
في قهوة بلدي
بنت حرام
كراسي طارت
و لسنة اتقطعت
و لا في الأحلام
و طبعاً الكومبارس واقفين على جنب
و لا يجب ان ننسى أن البطولة المطلقة في هذه الرواية هي للكومبارس
المجد للكومبارس
تعليقات
إرسال تعليق