المشاركات
لا لمبارك اب و ابن لا للفردة او الاستبن
, ..... لا لمبارك اب و ابن ... لا للفرده أو الاستبن... البدايل كتير جدا و كفاية أوى انه لرئيس الجديد لمصر يكون جاى بعد عرض برنامجه فى انتخابات حرة و ساعتها هيبقى مدير مصر مش رئيس مصر الحاكم بأمره ..... أوضح أكتر و أقول أن مدير مصر ده موجود بيننا من بين الاف اساتذة الجامعا ت و القضاة و ضباط الجيش و الشرطة و مديرى قناة السويس و مصر للطيران و كوادر القطاع الخاص . موجود بين الاخوان و الاشتراكيين و القوميين و الليبراليين و اللاانتمائيين اللى هما اكبر حزب كامن فى العالم و نفخر باحتضان كوادره على ارض مصر. كل اللى على مدير مصر . كل اللى على مدير مصر أنه يختار حكومته ال 30 وزير و 30 محافظ من وسط ناس محترمين و مثقفين و علماء فى تخصصاتهم و طبعا قادة بطبيعتهم و يسيبهم يختاروا وكلاء وزاراتهم و رؤساء احيائهم و مدنهم على اسس اختيار و تكليفات و اسس محاسبة صارمة . و اكيد فى بلد بحجم مصر عندنا 800 و لا الف واحد هما المنوط بيهم احداث الانضباط و الجدية و وضع اسس محاسبة النفس و المسؤول .افتكروا دايما يا جماعة ان ربنا بعت الانبياء فى مجتمعات فاسدة اجتماعيا و ضائعة دينيا و كان مهمة النبياء الاصلا ح فكان له...
سيبلهم الدورى يا اهلى عشان يفرحوا و كفاية اللى الحكام عملوه السنة دى و كمان نقل ماتش المصرية مع الاسماعيلى للقاهرة عشان علاء مبارك يشوف فرقته و يفرح بيها....... اهم طفشوا جوزيه و انا شايف انه احسن له يسيب الاهلى لأن مفيش بلد فى العالم بيحصل فيها كل اخطاء الحكام دى و لا الضرب بدون كره ده و لا عدم توقع لجنة المسابقات لكل احتمالات تنسيق مواعيد مسابقاتها الا فى مصر......و اهو ربنا بيجازيكوا يا ظلمة باصابات كل عناصر المنتخب عشان تبقوا تكبروا البطيخة الهاربة على الاهلى و لأ و تقولوا ينسحب من الكونفدرالية ......طظ فى الدورى يا اهلى بس خليك كبير و كاس العالم بدون الفراعنة
حركت مؤشر الراديو فلقيت مذيعة الشباب و الرياضة بتسأل دكتور (للأسف مالقطتش غير ان اسمه د.صبرى)عن الشباب فقالها احنا مشكلتنا فى الادارة الطويلة اللى بتجيب الشعوب لورا و ضرب مثل بكوريا و ماليزيا اللى كانوا افقر منا من 50 سنة فقالتله طيب نبص للمستقبل و نعلم اطفالنا الادارة فقالها الاطفال يتلموا فى الروضة و المدارس صح و تدار حياتهم صح يطلعوا كويسين راحت طالعة تانى عالشباب و قالتله رأيك ايه فى المشروعات الصغيرة قالها فاشلة و عشوائية واحنا عندا الفين مشروع كلهم فاشلين اللى بيعمل نجفة و اللى بيعمل برطمان مربى فاعترضت على كلامه فأفحمها و سألها انتى عمرك اشتريتى من مشروعات صغيرة طبعا قالتله أه قالها لأ منين اشتريتى قالتله لما بيعملوا معرض قالهاطيب انتى تعرفى لى ماركة واحدة جاية من مشروعات صغيرة قالتله هو لازم؟ طيب يا فندم فكر حضرتك ايه للمشروعات الصغيرة قالها يعنى الجينز يبقى فيه مصنع بيعمل الرجل و التانى للجيب و هكذا و كمان الشباب عمره مابيشرى من شركات زى العامرية او كفرالدوار او المحلة بس لقت لها مخرج لأنهاء الحوار فقالتله بلاش نجيب سيرة حد مش موجود معانا قالها ليه ده اعلام متخلف و طبعا صعبت...
فعلا بقينا عاملين زى التاجر الخايب لما يفلس يفتش فى دفاتره القديمة...... لا عدنا قادة حرب و لا بقينا دعاة سلام .. لا صرنا قوة اقتصادية و لا حافظنا على ثروتنا الزراعية... لاحققنا طفرة تكنولوجية و لا اسثمرنا ثروتنا البشرية ... و حزب الله ايه بس اللى احنا شاغلين نفسنا بيه .. يعنى فضلنا نصغر و نصغر و نصغر لحد مابقى حزب الله هو عدونا. ابراهيم عيسى كتب معلقا على موقف مصر من القمة العربية من قطر اننا اما صغرنا او ان قطر كبرت .. بس واضح اننا صغرنا جدا . و توقعوا معركة مصر الجاية مع .... مصر!!!!
عمرو اديب و احمد موسى بيقسموا على حزب الله و عايزين ينسونا غضب الله علينا بالفقر و الجهل و المرض(لقد طهرنا انفسنا كى نقضى على الفقر و الجهل و المرض ) يأخواننا هو حزب الله ده كان هايطلع له صوت لو مكنش فيه الدولة الصديقة التى تحتل ارضنا و لا حماس كانت هتتكون عشان تقاوم دودة القطن حتى لو مكنتش الدولة الصديقة بلعت ارضهم ..... فوقوا بقى يأخواننا.