-
قال ايه المدرسين بادئين دروس النهارده في عز الولعة دي وقبل الدراسة بشهرين وفي حجرات مكدسة بالأطفال والطلبة.
ليه الطفل ينزل في عز الولعة دي وهو عنده 10 سنين؟
على ايه يعني؟
ليه الأهل مش أقويا؟
ليه كل أم وأب يقول هو أنا اللي هقعد ابني متأخر عن زمايله؟
متأخر عن ايه؟
ده الدراسة لسه شهرين عليها؟
ليه انا انزل ابني يقعد في أوضة فيها 50 عيل؟
يعني حتى لو بايراد شهر يجيبوا تكييف!
ده اسمه ابتزاز لمشاعر الرغبة في التفوق عند الطفل وأمه
ليه المناهج اللي بتتكروت في المدرسة في شهر يقعدوا يشرحوها في 5 شهور؟
سرعة الدرجات وال100% دي كارثة اتعملت في ال20 سنة اللي فاتوا
يا جدعان الواحد بالكتير ايامنا كان بياخد درس رياضة ولا انجليزي
في ثانوية عامة انا مخدتش دروس في كل المواد
كنا بننقي اصلا ناخد درس في انهي جزء في المنهج
مخدتش قراءة ونصوص في ثانوي ولا خدت احصا ولا خدت كل الكيميا والأحياء
آه كل الفيزيا والرياضة
وأصلاً أصلا كنا في ثانوية عامة بنبدأ في اغسطس
بس بنخلص في اول يناير ونقعد في البيت نذاكر ونمتحن
كتاب النماذج ده في ثانوي الواحد كان بيهرسه ويخلص امتحاناته من اولى ثانوي.
وكانت المجموعة 8!
وكان لها نظرية حكاية ال8 في المجموعة دي
ورق الكربون مكنش بيطبع اكتر من كده
و8 ملفوفين حوالين المدرس يقوموا يقدروا يسمعوه ويستوعبوا منه وفيه بركة في الساعة اللي قاعدينها معاه
مش مدرجات وشاشات وميرك
يا جدعان ده يفط المدرسين بقت اكتر من يفط الدكاترة!
مازال رأيي ان تصليح التعليم والصحة يبدأ فقط بتخيير المدرس والطبيب(وطبعا الصيدلي) بين العمل الحر والخاص.
ادوا الناس مرتبات كبيرة بس هم كمان يشتغلوا شغلانة واحدة بس وبضمير.
للأمهات والآباء قبل المدرسين: فوقوا.

تعليقات

إرسال تعليق

المشاركات الشائعة من هذه المدونة

حشائش النيكل - هل حاربت أمريكا مصر؟

-
صورة
كيف أنقذت حشائش النيكل (1) الدولة العبرية من السقوط؟ هل حاربت مصر وسوريا الدولة العبرية المحتلة وحدها أم تدخلت أمريكا؟ كيف فاجأت مصر العدو بتكتيكات وإبداعات خلاقة تتغلب على التفوق التقني لصالح العدو؟ من الذي قال: ارسلوا كل شيئ يستطيع الطيران إلى أسرائيل وهل نفذوا طلبه؟ هي ليست حشائش ككل الحشائش التي نعرفها، وهو ليس ذلك المعدن الذي نعرف عنه فقط عندما نهم بشراء مقابض الأبواب حين إتمام تجهيز عش الزوجية، بل يبدو ذلك البحث ذاته غريباً، وهي السمة المميزة للبحث في التاريخ دوماً، ولكنها حرب رمضان – أكتوبر، أو يوم كيبور كما يسميها عدونا، إنها الحشائش التي مد بها ربيب عدونا إياه بالسلاح والعتاد والذخيرة على مدى أيامٍ قليلة من عبور القوات المصرية لمانع قناة السويس المائي وتحطيمه  للساتر الترابي بجانب تحطيم ما هو أهم: الغطرسة الصهيونية ونظرية اليد الطولى للعدو المحتل. هكذا إصطلح على تسمية الجسر الجوي اللوجيستي الذي قام نيكسون رئيس الولايات المتحدة الامريكية بمده بطلبٍ من جولد مائيرا رئيسة الحكومة الصهيونية في تلك الأيام، وقد كان لليهود ما أرادوا وطلبوا، وتحرك الجيش الأمريكي لنج...
قراءة المزيد